Iniciación cristiá e novo catecismo
Despois dun longo e rico
proceso de elaboración, un novo catecismo acaba de ser aprobado pola
Conferencia Episcopal Española. O seu título é “Testigos del Señor”. Con
el complétase unha secuencia de catecismos destinados á catequese de
iniciación cristiá de nenos e adolescentes.
Un reto para a Igrexa e os
cristiáns de todos os tempos
Sen ningunha dúbida, unha das maiores
preocupacións da Igrexa universal de todos os tempos é conseguir que en
cada momento e lugar xurdan novos cristiáns e cristiás, novos crentes en
Cristo. Así, do mesmo xeito que a vida humana nesta terra ven á luz a
través da xestación e o parto maternos, a Igrexa, nosa Nai, procrea e
fai nacer á fe a novos fillos a través de todo un proceso vital coñecido
co nome de “iniciación cristiá”. A través dela comézase a ser cristián!
A través da iniciación nós mesmos un día comezamos a ser cristiáns!
Folleto dos Secretariados de Catequese 2014-2015Oración do Catequista
San Xoán Paulo II
SEÑOR, fai que eu sexa a túa testemuña,
para comunicar a túa mensaxe e o teu amor.
Concédeme poder cumprir
a misión de catequista,
con humilde e profunda confianza.
Que a miña catequese sexa un servizo aos demais,
unha entrega xenerosa e viva do teu Evanxeo.
Recórdame continuamente
que a fe que desexo irradiar,
recibina de ti como don gratuíto.
Axúdame a vivila con responsabilidade
para conducir a ti aos que me confías.
Faime verdadeiro educador da fe,
atento á voz da túa palabra,
amigo sincero e leal dos demais,
especialmente dos meus compañeiros catequistas.
Que sexa o Espírito Santo quen conduza a miña vida
para que non deixe de buscarte e quererte,
para que non me venza a preguiza e o egoísmo,
para combater a tristeza.
SEÑOR, sírvote a ti e á Igrexa
unido á túa Nai María;
que como ela saiba eu gardar a túa Palabra
e poñela ao servizo do mundo.
Amén.
